Category Archives: சினிமா

கீழைக்காற்று: வினவு-புதிய கலாச்சாரம் நூல் வெளியீட்டு விழா!

கீழைக்காற்று பதிப்பகம் சார்பாக நாளை  (26.12.2010) எட்டு நூல்கள் வெளியிடப்பட இருக்கின்றன.

கார்ல் மார்க்ஸ், பிரடெரிக் எங்கெல்ஸ் வாழ்க்கை செயல்களைக் காட்டும் முக்கிய நாட்குறிப்புகள்

விலை ரூ. 40.00

ஈராக்: வரலாறும் அரசியலும்

பதிவர் கலையரசன் எழுதிய கட்டுரைகளின் தொகுப்பு,
விலை ரூ. 15.00

அருந்ததி ராய் – கரண்தபார் விவாதம்

– வினவில் வெளியான தொலைக்காட்சி விவாதம்
விலை ரூ. 10.00

விடுதலைப் போரின் வீர மரபு

– புதிய கலாச்சாரம் இதழில் வெளியான காலனியாதிக்க எதிர்ப்பு மரபு சிறப்பிதழின் நூல் வடிவம்,
விலை ரூ. 65

பெண் எப்போது பெண்ணாக இருந்தாள்

– உழைக்கும் மகளிர் தினத்தை ஒட்டி வினவு தளத்தில் வெளியான சிறப்புக் கட்டுரைகளின் நூல் வடிவம்,
விலை ரூ. 55.00

நினைவின் குட்டை கனவு நதி

சுந்தர ராமசாமி: இலக்கிய மேட்டிமைத்தனத்தினுள் உறையும் அற்பவாத இதயம்

– சுந்தர ராமசாமி, ஜெயமோகன் முதலான இலக்கியவாதிகளின் உண்மை முகங்களை எடுத்துக் காட்டும் நூல், புதிய கலாச்சாரம் இதழில் வெளிவந்த கட்டுரைகளின் தொகுப்பு,
விலை ரூ. 70.00

மீண்டும் தொழிலாளி வர்க்கம்

வினவு, புதிய கலாச்சாரத்தில் வெளியான தொழிலாளி வர்க்க போராட்டக் கட்டுரைகளின் தொகுப்பு,
விலை ரூ. 80.00

நிஜத்தின் உரைகல்லில் நிழல் சினிமா

வினவு, புதிய கலாச்சாரத்தில் வெளியான திரை விமரிசனங்கள், திரையுலகம் தொடர்பான கட்டுரைகளின் தொகுப்பு,

விலை ரூ. 110.00

_____________________________________________________________________

நூல் வெளியீட்டு விழா

நாள்: 26.12.2010

நேரம்: மாலை 5 மணி

இடம்: செ.தெ. நாயகம் தியாகராய நகர் மேல்நிலைப்பள்ளி, வெங்கட் நாராயணா சாலை, தியாகராய நகர், சென்னை
(பனகல் பூங்காவிலிருந்து சைதை செல்லும் சாலையில் திருப்பதி தேவஸ்தானத்தின் எதிரில், டாக்டர் நடேசன் பூங்காவிற்கு அருகில் இந்தப் பள்ளி இருக்கிறது)

விழா தலைமை:
தோழர் துரை. சண்முகம், கீழைக்காற்று

நூல் வெளியிடுவோர்:
ஓவியர் மருது
மருத்துவர் ருத்ரன்

நூல் பெறுவோர்:
கவிஞர் தமிழேந்தி
பதிவர் சந்தனமுல்லை

சிறப்புரை: “படித்து முடித்த பின்…”

தோழர் மருதையன், பொதுச் செயலர், மக்கள் கலை இலக்கியக் கழகம், தமிழ்நாடு

பதிவர்கள், வாசகர்கள், தோழர்கள் அனைவரும் வருக!

(விழா அன்று இந்த எட்டு நூல்களும் தனித்தனியாக 30% தள்ளுபடி விலையில் கிடைக்கும். சனவரி 4 முதல் 17 வரை நடக்கும் சென்னை புத்தக கண்காட்சியில் கீழைக்காற்றின் கடை எண்: 39,40)

 

தொடர்புடைய பதிவுகள்

Advertisements

ஈழம் – கூத்தாடிகள், கூலிக் கவிஞர்களின் ஒப்பாரி! யார் இந்த ஜெகத் கஸ்பார் ?

IndiaSriLanka_TamilNationalஈழத்தில் மிக வக்கிரமான ஒரு இனப்படுகொலையை இந்த‌ உலகமே வேடிக்கை பார்க்க பார்க்க நடத்தி முடித்திருக்கிறது சிங்கள இனவெறி பாசிச பயங்கரவாத அரசு. உலகில் சமாதானத்திற்காகவும் அமைதிக்காகவும் உருவாக்கப்பட்டதாக கூறப்படும் ஐ.நா மன்றம், உலகின் ஒற்றை துருவ மேலாதிக்க ரவுடியாக திரியும் அமெரிக்கா, மற்றும் பல்வேறு போலி சோசலிச குடியரசுகள் வரை ஒட்டு மொத்த உலகின் அனுமதியுடன் தான் இந்த இனப்படுகொலை நடத்தப்பட்டது. இந்த இனப்படுகொலையை ந‌டத்திய போர் குற்றவாளிகளில் முதல் குற்றவாளி, நமது நாட்டில் ஒழுங்காக‌ ஒரு கக்கூசை கூட கட்டி பராமரிக்க வக்கற்ற இந்திய அரசு தான். பாசிச வெறியர்களின் இரத்தக்கள‌ரி முடிந்து இன்று ஐந்து மாதங்களாகிறது. இன்றோ மூன்று இலட்சத்திற்க்கும் மேற்பட்ட மக்கள் முள்வேலிக்கப்பால் வதை முகாம்களில் அடைக்கப்பட்டிருக்கின்றனர். முள்வேலி சிறைக்குள்ளும் வதை முகாம்களிலும் அடைத்து சித்தரவதைக்குள்ளாக்கப்படும் ஈழ மக்களின் மறுவாழ்வுக்காகவும், அவர்களின் வாழ்வுரிமைகளுக்காகவும் தமிழகத்திலும் உலக அளவிலும் பல்வேறு முற்போக்காளர்களும், ஜனநாயகவாதிகளும், அமைப்புகளும், இயக்கங்களும் குரல் கொடுத்து வருகிறார்கள். குறிப்பிட்ட‌ சில நாடுகள் மட்டும் புலம் பெயர் தமிழர்கள் நடத்திய போராட்டங்களின் அழுத்தம் காரணமாக‌ ஈழத்திற்கு ஆதரவாக குரல் எழுப்பிய‌துடன், கண்துடைப்புக்கு ஒரு தீர்மானமும் நிறைவேற்றியுள்ளன.

தமிழகம் மற்றும் இந்தியாவை பொருத்தவரை ‘ஈழம்’ என்ற சொல் இது வரை தீண்டத்தகாததாகவும், ஈழ மக்கள் மீது நடத்தப்பட்ட படுகொலையை  பயங்கரவாதிகளின் மீதான அழித்தொழிப்பு என்று சித்தரித்ததன் மூலம் மக்கள் மீது ஏவிவிடப்பட்ட இரக்கமற்ற‌ வேட்டைக்கு நியாயம் கற்பித்த இந்திய ஆளும் வர்க்கத்தின் அங்கமான காங்கிரஸ் கட்சியின் தமிழக எம்பிக்களும், தேர்தலுக்கு முன் “காங்கிரஸை முறியடிப்போம்” என்று சீறி, பிறகு தேர்தல் வந்ததும் “காங்கிரசுடன் கூட்டணி தர்மம் காப்போம்” என்று கருணாநிதியின் கட்டளையை காத்த எம்பியும், ஈழத்திற்காக ‘அரைநாள் உண்ணாவிரதம்’ என்னும் கலியுக காவியத்தை கண்ணகி சிலை அருகில் உலகத்தமிழர்களுக்கே நடத்தி காட்டிய கருணாநிதியின் வாரிசுமான‌ கனிமொழியும் சேர்ந்து மொத்தம் பத்து எம்.பிக்கள் வதை முகாம்களில் உள்ள ஈழ மக்களை நேரில் கண்டுவர சமீபத்தில் சென்று வந்தார்கள்.

இவர்கள் ஈழ மக்களின் உரிமைகளை கோர சென்றார்களா அல்லது சுற்றுப்பயணம் சென்றார்களா என்ற கேள்வி எழும் அளவிற்கு வெறும் கண் துடைப்பிற்காகவும், பதவி நலனுக்காகவுமே செயல்படும் இந்த ஓட்டுப்பொறுக்கிகள் எப்படிப்பட்டவர்கள் என்பது நம் எல்லோருக்குமே நன்றாக‌ தெரியும். சிங்கள அரசும் இந்திய அரசும் தமிழ் மக்கள் மீது போர் தொடுத்துக்கொண்டிருந்த போது இந்த எம்.பிக்கள் யாரும் வாயை கூட திறக்கவில்லை, அல்லது தமது இரு கரங்களையும் பின் பக்கமாக கொண்டு சென்று பதவியை பத்திரமாக பிடித்துக்கொண்டு வார்த்தைகளை அளந்து அளந்து போட்டார்கள். ஆனால் அப்போதும் அவர்கள் இந்தியாவிற்கு எதிராக ஒரு வார்த்தையை கூட பேசவில்லை. இது ஒருபுறம் இருக்க, இன்னொரு பக்கம் திடீரென்று வேறு சில அமைப்புகள் ஈழ மக்களுக்கான‌ பிரச்சாரங்களையும், ஈழ துயரத்திற்கெதிரான கண்டனங்களையும் தெரிவிக்கின்றனர். போராட்டங்களையும் நடத்துகின்றனர். இவர்கள் ஈழ மக்களுக்காக கவலைப்படட்டும் கண்ணீர் விடட்டும் போராட்டம் நடத்தட்டும். ஆனால் ஈழத்தமிழர்களின் கவலைகளுக்கும் கண்ணீருக்கும் காரணமானவர்களுடனே கைகோர்த்துக்கொண்டு கவலை தெரிவிக்கும் கண்ணீர் விடும் இந்த புதிய‌ கனவான்கள் யார் என்பது தான் நமக்கு சந்தேகத்தை எழுப்புகிறது.
eelam_mukilan-300x300
நேற்றைய முன்தினம் (14-11-09) ‘நாம்’ என்னும் அமைப்பும், ‘போருக்கெதிரான பத்திரிக்கையாளர் அமைப்பு’ என்கிற‌ அமைப்பும் ‘நல்லேர்’ பதிப்பகத்துடன் இணைந்து ஈழமக்களின் துயரங்களை கவிதை வடிவில் தெரிவிக்கும் ‘ஈழம் மௌனத்தின் வலி’ என்னும் நூல் வெளியீடு நிகழ்ச்சியை சென்னை எழும்பூரில் நடத்தினார்கள்.

இவர்கள் யார் என்று அறிந்து கொள்வதற்காகவே கடுமையான மழையிலும் நனைந்து கொண்டே நாம் நிகழ்ச்சி நடக்கும் அரங்கை அடைந்தோம். அரங்கிற்குள் நுழைந்ததுமே நமக்கு பெருத்த அதிர்ச்சியாக இருந்தது. பொதுவாக ஈழம் பற்றிய பொது கூட்டமோ, அரங்க கூட்டமோ எது என்றாலும் அதிக அள‌வில் இளைஞர்கள் இருப்பதை காணலாம். அதுவும் அடித்தட்டு, நடுத்தர வர்க்கத்தை சேர்ந்த இளைஞர்களாகவே இருப்பார்கள், ஏதோ ஒரு வகையில் அவர்கள் முற்போக்கு வட்டத்துடன் தொடர்புடையவர்களாகவும் இருப்பார்கள். ஆனால் இந்த கூட்டத்தில் அதிகமாக பெண்கள் அதுவும் பணக்கார மற்றும்  மேல் நடுத்தர வர்க்க பெண்கள் குடும்பத்தோடு அமர்ந்திருந்ததை காணமுடிந்தது. எங்கு பார்த்தாலும் வித விதமான பெர்ஃப்யூம் வாசனைகள். ஆண்கள் தங்கள் மனைவி குழந்தைகள் சகிதமாக ஏதோ சினிமாவிற்கு வருவதை போல நல்ல மேக்கப்புடன் வந்திருந்தார்கள். அதுவும் அந்த பெருமழையையும் பொருட்படுத்தாமல் வந்திருந்தனர். நாம் ஏதோ பார்ப்பன திருமணத்திற்கு தான் வழி தவறி வந்து விட்டோமோ என்கிற அளவுக்கு நம்மை சுற்றியிருந்த சூழல் நமக்கு குழப்பத்தை ஏற்படுத்தியது.

மேடையில் நடிகர் சிவக்குமார், ஜக்கி வாசுதேவ், நக்கீரன் கோபால், பிரகாஷ்ராஜ் மற்றும் இயக்குனர் ஏ.ஆர் முருகதாஸ் ஆகியோர் அமர்ந்திருக்க “ஈழம்- மௌனத்தின் வலி” என்ற வாசகத்துடன் நல்லேர் பதிப்பகத்தின் பெயருடனும் ‘நாம்’ அமைப்பின் பெயருடனும் அமைக்கப்பட்டிருந்த மேடை இது திருமண நிகழ்சியல்ல புத்தக வெளியீட்டு விழா தான் என்பதை உத்திரவாதப்படுத்தியது.
jakki
ஆனாலும் ஆச்சரியம்! இது போன்ற கூட்டத்திற்கு எப்போதும் வந்திராத பெண்கள் இத்தனை பேர் குடும்பத்துடன் எப்படி வந்திருக்கமுடியும்? ஒருவேளை இவ்வளவு நாளாக சமூகத்தின் மீது வராத அக்கறை இவர்களுக்கு திடீரென்று வந்திருக்கலாம் என்று நீங்கள் நினைத்தால் அது தவறு. பெரும்பாலானோரின் கழுத்தில் ருத்திராட்ச மாலை, மற்ற அடையாளங்கள் கொண்டு பார்த்ததில் தான் தெரிந்தது அவர்கள் ஜக்கி வாசுதேவின் பக்தர்கள் என்று. இந்த கும்பல் ஈழத் துயரத்தை பகிர்ந்து கொள்வதற்காக‌ வரவில்லை. ஜக்கி வாயை திறப்பதை வேடிக்கை பார்க்கவே வந்திருந்தது. அதில் கிட்டத்தட்ட பாதிக்கு மேல் இது போன்ற ஆன்மீக அடிமைக்கூட்டம் தான்.

சரி ஜக்கி வாசுதேவை அழைத்து வெளியிடப்படும் இந்த நூலில் அப்படி என்னதான் உள்ளது?
இந்நூலின் உள்ளடக்கமே ஈழம் பற்றிய கவிதைகள் தான்.

அருந்ததிராய் போன்ற ஜனநாயகவாதிகளின் வார்த்தைகள், உணர்வுள்ள தமிழ் கவிஞர்களின் கவிதைகள், அத்துடன் பூக்களைக் கொண்டு மலத்தை மறைக்கும் விதமாக ரஜினி முதல் கமலஹாசன் வரையிலான தமிழ் சினிமா கூத்தாடிகளின் கவிதைகளும், கோடம்பாக்கத்தில் கூலிக்கு மாரடிக்கும் கக்கூசு பேரரசு வைரமுத்து வகையறாக்களின் கவிதைகளும், அத்துடன் அத்தனைக்கும் ஆசைப்படும் கார்ப்பரேட் சாமியார் ஜக்கியின் கவிதையும் இந்த புத்தகத்தில் இடம் பெற்றுள்ளன.

நிகழ்ச்சியின் வரவேற்புரை முடிந்ததும் புத்தகம் வெளியிடப்பட்டு பிரபலங்களின் உரை ஆரம்பித்தது.

முதலில் இயக்குனர் முருகதாஸ் பேசத் துவங்கினார். அவருடைய‌ அறிவு ஒரு முட்டாளுக்கு கூட இருக்க முடியாது. இவரெல்லாம் எப்படி சினிமா டைரெக்ட்டர் ஆகித்தொலைத்தாரோ! அவர் பேசினார், இந்த புத்தகத்திலிருக்கும் நிறைய விஷயங்கள் நமக்கு தெரியவே இல்லை! (புத்தகம் முழுவதும் இருப்பது சிதைக்கப்பட்ட தமிழ் மக்களின் கொடூரமான புகைப்படங்கள் மட்டும் தான்) நம்முடைய பார்வைக்கு இதெல்லாம் வரவே இல்லையே என்று நினைக்கும்போது அது யாருடைய‌ தப்பு? ஏன் இந்த‌ தகவல் தொழில் நுட்ப யுக‌த்திலும் இவ்வளவு மோச‌மாக இருக்கிறோம்? நிலவுக்கு போய் விட்டோம் என்கிறோம். ஆனால் இந்த படங்கள் எல்லாம் நமக்கு தெரியவே இல்லையே? அடுத்து நாம் என்ன செய்ய வேண்டும்? இந்த கொடூரம் எதனால் நடந்தது? ஏன் ஊடகங்கள் இச்செய்தியை மக்கள் மத்தியில் கொண்டு செல்லவில்லை? என்று பாமரத்தனமாக கூட்டத்திடமே கேள்வி கேட்டு விட்டு அமர்ந்தார். ஒருவேளை பேச வந்திருந்த சிறப்பு அழைப்பாளர்கள் யாராவது தனக்கு பதில் சொல்வார்கள் என்று அவர் எதிர்பார்த்திருக்கலாம். கொஞ்சமும் வெட்கமே இல்லாமல் ஒரு பொது மேடையில் இந்த ஏ.ஆர் முருகதாஸ் இப்படி பேசினார்.
child

அடுத்து பேசிய நக்கீரன் கோபால் வழக்கம் போல‌ அந்த மேடையை திமுக பிரச்சார மேடையாக மாற்றினார். இவரின் ஈழம் பற்றிய கருத்துகள் செய்திகள் அனைத்தும் கருணாநிதியின் எல்லைக்குட்பட்டதே என்பதை மறுபடியும் நமக்கு நிரூபித்தார். ‘ஈழத்தில் மக்கள் சாவதை ஏன் இவர்கள் தடுக்கவில்லை என்றால் இறப்பவர்கள்’  ‘பா’ என்று ஆரம்பித்து வார்த்தையெடுத்தார் ஏனோ தெரியவில்லை அத்துடன் அவ்வார்த்தையை விழுங்கி விட்டு ‘இட்லிகாரன் அல்ல, இந்தி காரன் அல்ல, சீக்கியன் அல்ல’ என்று தடுமாறினார். அங்கே இறப்பவர்கள் அனைவரும் பார்ப்பனர்கள் அல்ல என்பதை தான் அவர் சொல்ல வாய் எடுத்தார், ஆனால் ஜக்கி கோபித்துக்கொள்ள மாட்டாரா? இந்தியா கோபித்துக்கொள்ளாதா? எனவே விழுங்கிவிட்டார். பிறகு ‘இறப்பவர்கள் தலையிலோ மார்பிலோ பிறக்காதவர்கள். அவர்கள் காலுக்கு கீழே பிறந்தவர்கள்’ என்று சுற்றி வளைத்து  ‘சூத்திரர்’ என்கிற வார்த்தையை சொல்வதற்கும் கூட‌ படாதபாடுபட்டார் ‘நெற்றிக்கண் திறப்பினும் குற்ற‌ம் குற்றமே’ என்கிற லேபிளுடன் பத்திரிகை நடத்தும் ‘நக்கீரன்’ கோபால். பார்ப்பான் என்பதை நாலு பேருக்கு முன்னால் பயமின்றி சொல்லக்கூட திராணியில்லை. ஆனால் மீசை முறுக்குக்கு மட்டும் குறைச்சல் இல்லை.

புலிகள் மீதான தடை முதல் ஈழம் வாங்கி தருவதாக சொன்னது வரை ஜெயலலிதாவை பற்றி குற்றம் கூறிய கோபால், கருணாநிதியின் துரோகம் பற்றி வாய் திறக்கவேயில்லை. ஈழத்தாய் என்று ஜெயலலிதாவிடம் சரணடைந்தவர்களை சாடியவர், ஏனோ கருணாநிதியின் காலை நக்கி பிழைப்பவர்களை பற்றி பேசவேயில்லை. ஜெயலலிதாவின் நாடகத்தை எடுத்துரைக்கும் கோபாலுக்கு கோபாலபுர குடும்ப நாடகத்தை எடுத்துரைக்க தெரியவில்லையா? அல்லது விருப்பமில்லையா? கருணாநிதியின் கயமைத்தனங்களை மட்டும் மறைத்து விட்டு ஜெயலலிதாவின் குற்றங்களையே சுட்டிக் காட்டினார். சும்மா சும்மா கருணாநிதியை மட்டுமே குறை சொல்லிக்கொண்டிருக்க கூடாது. இன்று இந்த அளவிற்காவது நாம் ஈழத்தை பற்றி தமிழகத்தில் பேசிக்கொண்டிருக்கிறோம் என்றால் அதற்காக‌ க‌லைஞ‌ருக்கு நாம் நன்றி தான் செலுத்த வேண்டும் என்றார்!

யாருக்கு நாங்கள் நன்றி செலுத்த வேண்டும்? ஆயுதத்தின் வாயில் ஈழ மக்கள் இறந்துகொண்டிருக்கும் போது பதவிக்காக எதுவும் பேசாமல் அமைதி காத்த கருணாநிதியின் கயமைத்தனத்திற்கு நாங்கள் நன்றி செலுத்த வேண்டுமா? ஈழமக்களுக்காக தமிழத்தில் போராட்டங்களில் mukaகுதித்த மாணவர்களின் மண்டையை உடைத்த‌ கருணாநிதிக்கு நாங்கள் நன்றி செலுத்த வேண்டுமா? கருணாநிதிக்கு நன்றி தெரிவிக்க சொல்லி கருணாநிதியின் மீதான விசுவாசத்தையும் பத்திரிக்கை துறையில் தனது பிழைப்புவாதத்தையும் வாந்தி எடுத்தார் கோபால். தமிழர்களை கொல்ல மேலாதிக்க‌ இந்திய அரசு போருக்கு உதவிய‌ போது கருணாநிதியும், தமிழக எம்.பிக்களும் யார் மயிரை புடிங்கிக்கொண்டிருந்தார்கள்? இதை கருங்காலி கருணாநிதியிடம் கேட்கக்கூடாது என்றால் அதற்கு இந்த நக்கீரன் கோபால் தான் பதில் சொல்ல வேண்டும்? இந்திய அரசுக்கு கூஜா தூக்கிய துரோகி கருணாநிதியை காப்பாற்றுவது தான் மேடைக்கு மேடை இந்த கோபாலுக்கு வேலை. அந்த வேலையை இந்த மேடையிலும் கச்சிதமாக செய்து விட்டு அமர்ந்து கொண்டார்.

நடிகர் பிரகாஷ் ராஜ் எந்த அரசியலும் இன்றி மனித நேய‌ அடிப்படையில் அவருடைய கருத்துக்களை தெரிவித்தார். ஈழம் என்றதும் தமிழகத்தில் இரு போக்குகள் நிலவுவதாக குறிப்பிட்டார். ஒன்று அதிகமாக கூச்சலிடுகிறோம். மற்றொன்று மௌனமாகிறோம். மௌனதிற்க்கு பின்னால் எத்தனை காரணங்களோ, நலன்களோ இருந்தாலும் நிச்சயமாக நியாயம் இல்லை. போர் என்பது குற்றமென்றால் மௌனம் என்பது பாவம். இப்போதாவது உலகின் அதிகாரத்திலிருக்கும் தலைவர்களும் நாடுகளும், மனிதம் சாவதை வேடிக்கை பார்க்காமல் ஈழமக்களை காக்கவேண்டும் என்ற கோரிக்கையுடன் தன்னுரையை முடித்துக்கொண்டார்.

நடிகர் சிவக்குமார், வெளியிடப்பட்ட புத்தகத்தில் உள்ள சில கவிதைகளை மட்டும் வாசித்தார். மணிக்கணக்காக‌ கம்பராமாயணம் கதாகாலட்சேபம்  வாயார பேசும் இந்த பேச்சாளர் ரெண்டு கவிதை வாசித்ததை தவிர வேறெதுவும் பேசவில்லை. ஒருவேளை துயரம் அதிகமாகி தொண்டை அடைத்துக்கொண்டிருக்கும் போலிருக்கு.

கடைசியாக பேசிய சிறப்பு பேச்சாளர் ஜக்கி வாசுதேவ் ஈழ மக்களின் துயரம் பற்றி பேசினார் என்று சொல்வதை விட மயக்க நிலைக்குள் தள்ளும் சொற்பொழிவாற்றினார் என்றே சொல்லவேண்டும். ஆம், அப்படி தான் அவரது உரை இருந்தது. ஜக்கி பேச ஆரம்பித்தவுடன் இருகரம் கூப்பிய பக்தர்களில் பலர் அரங்கத்தை விட்டு வெளியேறும் வரை கையை கீழே இறக்கவேயில்லை. அவர்களை பொருத்த‌வரை அது அரங்கமல்ல கோவில். ஜக்கி பிராடு அல்ல சாமி. எனவே பரவச நிலைக்கு போனவர்கள் அப்படியே உறைந்து போனார்கள். கூட்டம் முடிந்த பிறகு கடைசியாக அவர்களிடம் போய் ‘ஈழம்’ என்று சொல்லியிருந்தால் என்ன அது என்று தான் கேட்டிருப்பார்கள். அந்தளவிற்கு அவர்கள் அனைவரும் ஜக்கி போதையிலிருந்தார்கள். இதுவரை யாரும் ஈழ விடயத்தில் சொல்லத்தவறிய(!) மனிதாபிமானத்தை பற்றித்தான் பேசினார் ஜக்கி. ஆனால் வழக்கமான பாணியில் ஆனந்த நிலையில் லயித்து போகாமல் ஒரே இடத்தில் நின்று கொண்டே பேசினார். பேச்சின் நடுவில் ‘அங்க மனித்தர்கள் சாக்கிறார்கள் என்னா அங்க மனித்தன் சாகவில்லை,  மனித்தமே சாக்கிறது’  என்று சொன்னவுடன் ஒரு நொடி அவருடைய பக்தர்கள் கொட்டிய ‘உச்’ ‘உச்’ அதை பஞ்ச் டைலாக்காக மாற்றியது.
art.lanka.afp.gi
உலகில் போரே வேண்டாம் என்று பேசிய ஜக்கி முதல் உலகபோரில் ஐந்து கோடி மக்கள் இறந்தனர். இரண்டாம் உலகபோரில் ஏழு கோடி மக்கள் இறந்தனர் என்று போகிற போக்கில் தனது கம்யூனிச எதிர்ப்பையும் விசம் போல உலகப்போர்களுடன் கலந்து விட்டு கடந்து சென்றார். ரஷ்ய புரட்சியின் போது இரண்டரை கோடி மக்கள் இறந்து போனார்கள் என்று அதையும் கொலை பட்டியலில் சேர்த்துக்கொண்டார். மக்கள் இகலோக வாழ்க்கையை விட‌ உயர்ந்த வாழ்க்கையை அடைவதற்காக போதிக்கும் இந்த நவீன போலிசாமியாருக்கு உலக போரில் இறந்த மக்களின் புள்ளிவிவரம் கூட தெரியவில்லை. அந்தளவிற்கு மாங்காயாக இருக்கிறது! ஆனால் அவரை சுற்றியிருந்த ஆன்மீக‌ அடிமைக்கூட்டமோ பரவச நிலையில் வாயடைத்து போய் விட்டது. இந்த ஆளிடம் மாட்டிக்கொண்டிருக்கும் மக்களை இர‌ண்டு வகையிலும் (போலி ஆன்மீகத்திலிருந்தும் இயல்பான மன‌நிலைக்கும் திரும்ப‌) மருத்துவர் ருத்ரன் போன்றவர்கள் தான் காப்பாற்ற வேண்டும்.

மேலும் அவர் அகிம்சை பற்றி போதிக்கும் போது “இந்திய சுதந்திர போராட்ட காலகட்டத்தில் இரண்டாம் உலகபோரும் மூண்டது. முதல் உலகப்போரின் போது போரில் ஈடுபட்டிருந்த‌ இங்கிலாந்து பலமிழக்கும் நேரத்தில் நாம் இந்திய சுதந்திரத்திற்கான‌ போராட்டத்தை துரிதப்படுத்தலாம் என்ற வாய்ப்பு கிடைத்த போது மகாத்மா என்ன கூறினார் தெரியுமா? எதிரி பலவீனமான நிலையில் இருக்கும் போது நாம் தாக்கக் கூடாது. அது மனித நேயத்திற்கு எதிரானது. எனவே இரண்டாம் உலக போரில் இங்கிலாந்துக்கு ஆதரவாகதான் நாம் ராணுவம் அனுப்பவேண்டும் என்று காந்தி சொன்னார்” என்று காந்தி செய்த துரோகத்தை மனிதநேயத்தின் பெயரில் நியாயப்படுத்தினார். இவ்விடயத்தை கூறிய ஜக்கிக்கு நாம் நன்றி கூறியாக வேண்டும். ஆம் காந்தி இந்திய சுதந்திர போராட்டத்தில் செய்த துரோகத்தின் ஒரு பகுதியை ஒப்புக்கொண்டதற்கு நாம் நன்றி கூறியே ஆகவேண்டும்.

அகிம்சை தத்துவத்தின் அடிப்படையில், மனித நேயத்தின் அடிப்படையில் எதிரியை கூட நாம் அடிக்க கூடாதென்றால் எதிரிக்கு எதிரியான இன்னொருவனை அடிக்க ஆள் அனுப்பது மட்டும் அகிம்சைக்கு சரியா? எங்கேயோ இடிக்கிறதே! அகிம்சைக்கும் ஒத்து வராத கருத்தாக இருக்கிறதே! என்று யோசிக்கும் சாதாரண மக்களுக்கும் ‘அதன் பெயர் அகிம்சை இல்லை. இந்திய மக்களுக்கிழைத்த துரோகம்’ என்று புரியும். ஆனால் இந்த முட்டாள் ஜக்கி வாசுதேவுக்கு ஏன் புரியவில்லை? அவருக்கு புரியாமல் இல்லை, நம‌க்கு எதுவும் புரியாமல் இருக்க வேண்டும் என்பதற்கு தான் இந்த ஜட்டி இருக்கிறது சாரி ஜக்கி.

மேலும் மனித நேயத்தை பற்றி பேசும் போது எல்லா உயிர்களும் போராடுகின்றன. வன்முறைக்கு வன்முறை தீர்வாகாது. அடிக்கும் போது  திருப்பி அடிக்கக் கூடாது. உரிமைகள் மறுக்கப்படும் போது வன்மையாக போராடக்கூடாது. மனித‌ நேயத்தை வெறும் சொல்லாக அல்ல, அமைப்பாக கலாச்சாரமாக மக்கள் மனதில் ஏற்க வேண்டும் என்றும் போதித்தார். யாருக்கு தான் முரண்பாடு இல்லை என்று சொன்னவர், குடுபத்திற்குள் இருக்கும் கணவன் மனைவி முரண்பாட்டையும், இனவெறி முரண்பாட்டையும் ஒப்பிட்டு புதிய முரண்பாட்டு கொள்கையை விளக்கி கூறினார்.
camp
நம் அனைவருக்கும் மற்றவர்களிடம் கருத்து வேறுபாடுகள் இருக்கின்றன. நாம் தான் அவற்றை ஒடுக்குமுறையாக வன்முறையாக மாற்றுகிறோம் என்று சொன்னதன் மூலம் உலக நாடுகளில் மக்களின் உரிமைகள் பரிக்கப்பட்டு ஒடுக்குமுறைக்கு உள்ளாகும் போது அதை எதிர்த்து போராடிய அம்மக்களையும் அவர்களின் உரிமைக்கான போராட்டங்களையும் ஜக்கி கொச்சைபடுத்தினார்.

ஈழத்தில் நடப்பதற்கு பெயர் வெறும் முரண்பாடு இல்லையடா முட்டாள் ஜக்கியே! அதற்கு பெயர் இனப்படுகொலை என்று எல்லாம் தெரிந்த உனக்குத் தெரியாதா? சிங்கள் இனவெறி அரசின் வக்கிரங்கள் இந்த மூதேவியின் ஞான கண்களுக்கு மட்டும் தெரியவில்லையே ஏன்? அல்லது ஆனந்த பரவசநிலையில் லயித்த கண்கள் அதை பார்க்கத் தவறிவிட்டதா? பார்க்கவில்லையானாலும், காதால் கூட செஞ்சோலையிலிருந்து வதை முகாம்கள் வரை அரற்றிய பிஞ்சுகளின் குரலும் சிங்கள இலங்கை அரசின் இனவெறி கொக்கரிப்பும் கூட இந்த செவிட்டு ஜக்கியின் காதுகளுக்கு கேட்கவில்லையா?

உரிமைகள் மறுக்கப்படும் போது அதற்காக மக்கள் போராடுவது வெறித்தனமா?
வன்முறை ஏவப்படும் போது அதற்கெதிராக மக்கள் போராடுவதும் வன்முறையா? மனிதம் அழியும் போது அதற்காக உயிரையும் தியாகம் செய்யத் தயங்காமல் போராடும் மனிதன் கூட மனிதாபிமானத்திற்கு எதிரானவனா?

இதை தான் அன்றைக்கு கபட வேடதாரி காந்தி சொன்னார். இன்று இந்த‌ ஜக்கி சொல்கிறது.

அன்று மக்களின் விடுதலை போராட்டங்களை எல்லை மீறாமல் மழுங்கடித்து மக்களுக்கு அகிம்சை என்று போதித்து ஆங்கிலேயனை பாதுகாத்து, சுரண்டுபவன் மேலும் பல ஆண்டுகள் தங்கி சுரண்ட வாய்ப்பு வழங்கிய அகிம்சா துரோகி காந்தி!  அதே அகிம்சை தத்துவத்தை கூறி அதே போன்று அநீதிக்கெதிரான மக்களின் போராட்டங்களை கொச்சைபடுத்தும் இன்றைய அகிம்சா துரோகி ஜக்கி வாசுதேவ்!

ஆளும் வர்க்கத்திற்கு வேண்டிய அமைதியை நிலை நாட்ட வேண்டிய அடியாள் வேலையை தான் இது போன்ற கார்ப்பரேட் சாமியார்கள் செய்து வருகிறார்கள். மக்கள் கூட்டம் கூட்டமாக கொல்லப்பட்டாலும் அதை எதிர்த்து சிறு அளவில் கூட வன்முறை இருக்கக் கூடாது. வன்முறை, ஒன்று கூடுவது என்பதை கேட்டாலே ஆளும் கும்பல் எப்படி நடுங்குகிறதோ அதே போல தான் இந்த போலி சாமியாரும் இறுதியில் பேசினார். அப்போது தான் இந்த‌ ஜக்கி வாசுதேவின் நோக்கம் என்ன என்பது நன்றாக விளங்கியது.

 

che
 

“அநீதிக்கு எதிராக குரல் கொடுத்தால் நீயும் நானும் தோழர்களே!” என்கிற‌ சே குவேராவின் மேற்கோளை குறிப்பிட்ட ஜக்கி, இது மிகவும் மோசமான வன்முறை கருத்து. சேகுவேராவின் கருத்துக்கு எதிராக இருப்பது தான் நல்லது, எனவே சேகுவேராவின் இந்த கருத்துக்கு எதிரான கருத்து கொண்டவர்கள் அனைவரும் நம் சகோதரர்களே என்று கூறினார்.

கடைசியாக இந்த போலி சாமியார் ஈழப்பிரச்சனைக்கு என்ன தான் தீர்வு சொன்னார்? மக்கள் ஒவ்வொருவரும் மனிதநேயத்தை வளர்த்துக்கொள்ள வேண்டும். ஒவ்வொருவரும் தம்மால் முடிந்ததை செய்ய வேண்டும் என்று கூறியதை தவிர வேறு ஒன்றையும் சொல்லவில்லை. ஈழக்கூட்டம் ஆன்மீக கூட்டமாக்கப்பட்டதுடன், உண்மையான ஈழ ஆதரவாளர்களிடம் ஈழமக்களின் துயரத்தை விட இக்கூட்ட்த்திற்க்கு வந்த துயரம் மேலோங்கியிருந்ததை காண முடிந்தது.

ஜக்கி வாசுதேவ் என்கிற இந்த எல்லாம் துறந்த (பன்னாடை) பரதேசி ஈழம் தொடர்பாக இதற்கு முன்பு நடந்த அத்தனை கூட்டங்களையும் இழிவு படுத்திவிட்டுச்சென்றார். வதை முகாம்களில் வாடும் மக்களையும் இதை விட யாரும் இழிவு படுத்த முடியாது.

கடைசியாக நன்றியுரை கூறிய மருத்துவர் எழிலன்  ‘நன்றி, எதற்கு சொல்ல வேண்டும் நன்றி’ என்று ஏதோ வித்தியாசமாக சொல்லப்போவதாக நினைத்துக்கொண்டு ஆரம்பித்தார். ஆனால் ‘சாமி’ மேடையை விட்டு இறங்கி விட்டதால் அனைவரின் கண்களும் ஜக்கியின் மீதே இருந்ததால் இவரின் இந்த வித்தியாசமான உரையை பாவம் யாரும் கேட்க கூட முடியவில்லை. மக்களின் விடுதலைப் போராட்டங்கள் அனைத்தையும் கேவலப்படுத்தி விட்டு சர்வதாராணமாக ஒரு போலி சாமியார் பரதேசி மேடையை விட்டு கீழே இறங்கிக்கொண்டிருக்கும் அந்த‌ ஜக்கியை கண்டுகொள்ளாமல் பல்லை இளித்துக்கொண்டு நன்றியுரை ஆற்றிக்கொண்டிருந்தார் எழிலன்.

உலக மக்களின் போராட்டங்களையே கொச்சைபடுத்தியதுடன் ஈழப்போராட்டத்தையும் கொச்சை படுத்திய ஜக்கியை பற்றி அரங்கில் யாருமே கண்டுகொள்ளாததற்கு என்ன காரணம்?

காரணங்கள் காண்பதற்கு முன் நிகழ்ச்சி ஏற்பாட்டின் பிண்ணனியை பார்ப்போம். பிரபலங்களின் கவிதைகளை தொகுத்து பிரபலங்களை வைத்தே நூலை வெளியிட்ட‌ இந்த‌ நிகழ்ச்சியை ஏற்பாடு செய்தது யாரெனில், கனிமொழி, கார்த்திக் சிதம்பரம் போன்ற அரசியல் பிரபலங்களின் நட்பு வட்டாரத்தில் உள்ள பாதிரி ஜகத் கஸ்பார்.

இன்றைய ஈழ உணர்வுள்ளவர்களிடம், குறிப்பாக ஈழ உணர்வுள்ள சில IT இளைஞ‌ர்களிடையே மிகவும் பிரபலமான இந்த ஜெகத் கஸ்பாரும், சில ஆண்டுகளுக்கு முன்பு ஆனந்தவிகடன் பத்திரிக்கையில் பணிபுரிந்து தற்போது நடிகர் நடிகைகளுக்கு ‘பல்வேறு’ ஏற்பாடுகளையும் செய்து வருபவரும் ஞானவேல் என்பவரும் தான் இந்த நிகழ்ச்சியை ஏற்பாடு செய்தார்கள். இந்த கவிதை நூலில் உள்ள புகைப்படங்கள் இவரின் தேர்வுகளே.

kasperபாதிரியராக வாழ்க்கையை ஆரம்பித்து இன்று பல‌ கோடிகளுக்கு சொந்தக்காரரான ஜகத் கஸ்பார் பிலிப்பைன்ஸ் வெரித்தாஸ் வானொலி நிலையத்தில் பணியாற்றியவர். உலக நாடுகளை ஊடகம் மூலம் உளவு பார்க்கும் நிறுவனமாகத்தான் வெரித்தாஸ் வானொலி நிலையம் துவங்கப்பட்டது. உளவு நிறுவனத்தில் பணிபுரிந்த இவர் தான் ஈழத்தில் நடேசனுடன் தனக்கு நேரடி தொடர்புள்ளதாக நக்கீரனில் குறிப்பிட்டுள்ளார்.

கனிமொழி, கார்த்திக் சிதம்பரம் போன்றோரின் நட்புடன் உள்ள இவர் ஆளும் வர்க்கத்தெற்கெதிரான, அரசுக்கெதிரான மக்களின் போராட்டங்களை மழுங்கடிப்பவர். வெரித்தாஸ் வானொலியின் உளவு நிறுவனத்தில் வேலைபார்த்த இவர் நடேசனுடன் நெருங்கிய தொடர்பு உள்ளது என்று இவரே குறிப்பிட்டதில் இவர் உளவாளி என்பதை இவரே நமக்கு அறிவிக்கிறார்.

இந்த கவிதை தொகுப்பு நூலில் எமது அமைப்பின் கவிஞர் தோழர் துரை சண்முகம் அவர்களின் கவிதையும் இடம் பெற்றுள்ளது. பத்திரிக்கையாளர் அமைப்பு என்கிற பொதுவான பெயருடன் எம்மிடம் அறிமுகமான இவர்கள் ‘நாம்’ அமைப்பை பற்றியோ, அதற்கு பின்னால் இருப்பவர்கள் பற்றியோ, உளவு ஏஜெண்ட் ஜெகத் கஸ்பார் பற்றியோ எதையும் கூறாமல் நம்மையும் இதில் பங்கேற்க வைக்கும் விதமாக, “நாங்கள் பொதுவான பத்திரிகையாளர்கள். நாங்கள் ஒரு கவிதை நூலை வெளியிடுகிறோம் அதற்கு உங்களின் பங்களிப்பும் வேண்டும்” என்று கூறி தோழரிடம் ஒரு படத்தையும் கொடுத்து அதற்கு கவிதையையும் எழுதி வாங்கிக் கொண்டு பதிப்பித்து விட்டார்கள். எவ்வளவு அயோக்கியத்தனம் பாருங்கள்! ஒரு புரட்சிகர அமைப்பையே ஏமாற்றி இவர்களுடன் நம்மையும் நிற்க வைத்து படமெடுத்துக்கொள்ள என்ன ஒரு கிரிமினல் புத்தி பாருங்கள். உளவாளிகள் தான் இது போன்ற வேலைகளை நேர்த்தியாக செய்து முடிப்பார்கள். இப்படி திருட்டுத்தனமாக எம்மையும் இந்த ஏஜெண்ட் கும்பல் தம்மோடு சேர்த்துக்கொண்டது மட்டுமின்றி, படைப்பாளியின் அனுமதியின்றி கவிதையிலும் கை வைத்திருக்கிறார்கள். கவிதையிலுள்ள முக்கியமான இரண்டு அரசியல் சொற்களை கத்தரி போட்டு வெட்டி எறிந்துவிட்டார்கள். இதை எடிட் செய்தவன் எவன்? ஜெகத் கஸ்பாரா, ஞானவேலா? உங்களுடைய நோக்கம் என்ன? எதற்காக அந்த வார்த்தைகளை வெட்டினீர்கள்? இந்த உளவாளிகள் கவிதையிலிருந்து நீக்கிய வார்த்தைகள் இரண்டும் போரில் இந்திய அரசை அடையாளம் காட்டும் வரிகளாகும்.

“தேர்தலுக்காக இரத்தத்தைத் திருடிய உங்களிடம்
ஒப்படைக்க முடியாது எங்கள் கண்ணீரை.
இந்தியக் கொலைக்கரத்தை முறிக்காமல்
எம் பிள்ளை துயிலாது”

என்று தோழர் துரை சண்முகம் எழுதிக் கொடுத்த கவிதை வரிகளில் ‘தேர்தலுக்காக’ என்பதையும் ‘இந்தியக் கொலைக்கரத்தை’ என்பதையும் வெட்டி நீக்கி விட்டே பதிப்பித்திருக்கிறார்கள் இந்த யோக்கியவான்கள்.

மக்களின் இந்த துயரநிலைக்கு காரணம் யார்? என்ன பின்னணி? என்பதை பற்றி பேசாமல் நடத்தப்படும் கூட்டங்களும் போரட்டங்களும் நேர்மையானதாக இருக்க முடியாது. இதன் பின்னால் இருக்கும் ஏகாதிபத்திய நலன்களை பற்றியும், இந்திய மேலாதிக்க நலன்களை பற்றியும் அம்பலப்படுத்தாமல் நடத்தப்படும் போரட்டங்களுக்கும் அமைப்புகளுக்கும் பின்னால் ஆளும் வர்க்கங்களின் நலன்களே ஒளிந்திருக்கும். இவர்கள் நடத்திய இந்த நிகழ்ச்சியில் ஜக்கியின் இப்படிப்பட்ட கருத்துக்களுக்கு விமர்சன கருத்துக்களை பதிக்காத ஜகத்கஸ்பார் பற்றியும், மருத்துவர் எழிலன் என்பவர் தமிழக திட்டக் குழுவின் துணை தலைவர் மு. நாகநாதனின் மகன் என்பதை பற்றியும் உற்றுநோக்கினால் இந்த கூட்டம் யாரால் நடத்தப்பட்ட கூட்டம் யாருடைய நலனுக்காக‌ கூட்டப்பட்ட கூட்டம் என்பதை எளிதில் விளங்கிக் கொள்ளலாம். இந்த கூட்டம் நடத்திய அமைப்புகளின் பின்னே ஏகாதிபத்திய நலன்களும், ஆளும் வர்க்க இந்திய அரசின் நலன்களும், கருணாநிதியின் குடும்ப நன்களும் இருப்பதையே தெள்ளத் தெளிவாய் காட்டுகின்றன.

தமிழகத்தில் நடக்கும் பல்வேறு ஈழ ஆதரவு போராட்டங்கள், அக்கூட்டங்களில் திரளும் இளைஞர்கள் அனைவரும்  இந்திய அரசுக்கு எதிராக திரும்பி விடாதபடி அவர்களை வேறு பக்கத்திற்கு மடை மாற்றி விடும் மகத்தான ப‌ணியை தான் இந்த ஜெகத் கஸ்பார் என்கிற உளவாளி பாதிரி செய்துகொண்டிருக்கிறார். இவருடைய‌ சகாக்களாக அல்லது சக உதவியாளர்களாக ஞானவேல், எழிலன் இன்னும் வெளியில் வராத பெயர் தெரியாத‌ பலரும் இருக்கக்கூடும் என்று கருதப்படுகிறது. இவர் துவக்கத்தில் வெரித்தாஸ் வானொலியில் பணியாற்றியவர். வெரித்தாஸ் வானொலி சி.ஐ.ஏ வால் இயக்கப்பட்ட அமெரிக்க ஏகாதிபத்தின் நலனுக்காக செயல்பட்ட வானொலி. தேசிய இயக்கங்களின் போராட்டங்களுக்குள் நுழைந்து கொண்டு அதைக் கைப்பற்றி எதிர்ப்பை நிறுவனமயமாக்கும் வேலையை வெரித்தாஸும் அமெரிக்க ஏகாதிபத்தியத்தின் இது போன்ற பல்வேறு நிறுவனங்களும் செய்து வருகின்றன. ஈராக் மக்களின் போராட்டங்களை நீர்த்து போக வைக்க அம்மக்களின் போராட்டங்களை தமது கட்டுப்பாட்டிற்குள் கொண்டு வர அமெரிக்கா சேவை அமைப்புகள் போன்ற‌ பல்வேறு என்.ஜி.ஒ நிறுவன‌ங்களையும் அங்கு இற‌க்கி விட்டுள்ளது. அது போன்ற ஒரு நிறுவனம் தான் வெரித்தாஸ். அதில் பணி புரிந்தவர் தான் இந்த கஸ்பார்.

565737-veritas_copy2f_super

அப்போது அவருக்கு பல்வேறு புரோஜக்ட் கொடுக்கப்பட்டிருக்கும்.  தனது திட்டத்தை சிரத்தையாக ஏற்றுச்செய்த‌ இவர் எதற்காக இந்தியாவிற்கு வந்தார் என்பதே சந்தேகத்திற்குறிய கேள்வி. அதன் தொடர்ச்சியாக இவர் நக்கீரனில் எழுதி வருவதும், இளைஞர்களை அரவணைப்பதும் நமக்கு பல்வேறு ஐயங்களை ஏற்படுத்துகிறது. அதற்கேற்பவே இவர் மே17 இயக்கம் என்கிற இயக்கத்தை நடத்துகிற திருக்குமரன் என்பவரை பற்றி நக்கீரனில் பாராட்டி எழுதியுள்ளார்.
இந்திய அரசு பற்றி இவர் சாடி எழுதுவதே இல்லை. பேசும் இடங்களிலும் இவர் இந்தியா பற்றி பேசுவதில்லை. தற்போது வெளியிட்டுள்ள நூலும் இதற்கு நல்ல சான்று. அதில் தேடிப்பார்த்துவிட்டோம். இந்தியா என்கிற ஒரு வார்த்தை கூட இல்லை. அப்படியான ஈழமக்களை கொன்றொழித்த‌ போரில் போர் குற்றவாளியான‌ இந்திய அரசின் பங்கை இந்த ஜெகத் கஸ்பார் மறைக்க முயலுவதன் நோக்கம் என்ன?

அவை விரைவில் வெளிவரும். முழுமையாக தமிழ் மக்கள் முன்பு அம்பலப்படுத்தப்படும். அப்போது ஜெகத் கஸ்பார்களும், ஞானவேல்களும், எழிலன்களும் தமிழ் மக்களிடம் விளக்கம் கூற வேண்டியிருக்கும்.

தமிழ் உணர்வுள்ள ஈழ மக்களுக்காக குரல் கொடுக்கும் இளைஞர்களே, இவர்களைப் போன்ற சந்தேகத்திற்குரிய நபர்களிடம் நெருங்காதீர்கள். ஆனால் இவர்களை உற்று கவனியுங்கள். இவர்கள் என்ன பேசுகிறார்கள் யாருக்காக பேசுகிறார்கள் என்பதை கவனித்து குறித்து வைத்துக்கொள்ளுங்கள். இப்போது இவர்கள் மீது விமர்சனம் வந்து விட்டது என்பதால் இவர்கள் அடுத்த சில நக்கீரன் இதழ்களில் இந்தியாவிற்கு எதிராக கூட எழுதலாம். சில கூட்டங்களில் இந்தியாவிற்கு எதிராக கூட பேசலாம். அவற்றை எல்லாம் உண்மை என்று நம்பி விடாதீர்கள். நம்பகத்தன்மை ஏற்படுத்த‌ இடைக்காலமாக‌ அப்படி பேச இது போன்ற ஆட்களை இந்திய அரசே அனுமதிக்கும். நம்பாதீர்கள்!  எச்சரிக்கை!!

ஈழம்  – மௌனத்தின் வலி” – இது இந்திய மேலாதிக்கத்திற்கு ஆதரவான உளவாளிகளின் கள்ளமௌனத்தை மறைக்கும் நிழற்படங்களின் தொகுப்பு.

தொடர்புடைய பதிவுகள்

ஈழம்- செத்த பிறகும் ரத்தம் கறக்கிறார் ஜெகத் கஸ்பார்!!

ஐயோ…! இந்தியா நாசமாப் போக…

ஜெகத் கஸ்பரின் ‘நாம்’ அமைப்பும், போருக்கு எதிரான பத்திரிகையாளர் அமைப்பும் விபசாரம் செய்யலாம்!

சே குவேராவிற்கு எதிரானவர்கள் எனது நண்பர்கள் – ஜக்கி வாசுதேவ்!

திடீரென விழித்தெழுந்த தேவதூதர்கள், ஈழத்தின் மெளனவலி பற்றிப் பேசினரா..?


உன்னைப் போல் ஒருவன் – யார் நீ????

yaar nee

ஆழ்வார்பேட்டை ஆண்டவர் நாத்திகர், முற்போக்காளர், எந்த மதத்தையும் சாராதவர் என்றெல்லாம் பலரும் நினைத்துக்கொண்டிருக்கிறார்கள். ஆனால் அது முழு உண்மையா என்றால் இல்லை என்று நாம் மட்டும் கூறவில்லை தனது நடைமுறையின் வாயிலாக அவரே நிரூபித்துக் கொண்டிருக்கிறார். இந்தப் படத்தை விமர்சனம் செய்வதை விட‌ கமலஹாசனை விமர்சனம் செய்வது பொருத்தமாக இருக்கும்  என்பதை விமர்சனம் எழுதி முடித்த பிறகு தான் உணர்ந்தோம்.  பின்னர் ஒரு சமயம் அது பற்றி எழுத முயற்சிக்கலாம்.  தற்போது படத்திற்குள் செல்வோம்.

முள்ளை முள்ளால் தான் எடுக்கமுடியும்.  தீவிரவாதத்தை தீவிரவாதத்தால்  தான் ஒழிக்க முடியும் என்பதை உணர்த்துகிற படமாம் இது.  பயங்கரவாதிகளுக்கு பயங்கரவாதிகளின் மொழியிலேயே தீர்வு சொல்கிற படம் என்றும் இன்னும் ப‌லவாறும் இந்தப் படம் பாராட்டப்படுகிறது. சரி அப்படிஎ ன்னதான் இ‌ப்படத்தில் சொல்லப்பட்டிருக்கிறது? எகச்சக்கமான பதிவர்கள் இப்படம் பற்றி எழுதி விட்டதால் கதை அனைவரும் அறிந்ததே. எனினும் படம் பார்க்காதவர்களுக்காக கதையின் சுருக்கம் சில வரிகளில்.

கமல் முழுமைபெறாத ஒரு கட்டிடத்தின் உச்சிக்கு செல்கிறார். அங்கே தன்னை யாரும் அலைவரிசையின் மூலம் கண்டுபிடிக்க முடியாதவாறு அலைப் பேசிகளுடன் சில எலக்ட்ரானிக் சாதனங்கள், மடிக்கணினி (Laptop),  போன்றவற்றை பொருத்தி வெவ்வேறு சிம் கார்ட்டுகளிலிருந்து காவல்துறை ஆணையர் மோகன் லாலை அழைக்கிறார், போனை எடுக்கும் மோகன்லாலிடம் தான் சென்னையின் முக்கியமான சில‌ இடங்களில் குண்டு வைத்துள்ளதாகவும் அது சில மணி நேரங்களில் வெடித்துச் சிதறி பயங்கர உயிர்ச் சேதத்தை ஏற்படுத்தும் என்றும், அந்த‌ குண்டுகள் வெடிக்காமலிருக்க‌ வேண்டுமானால் குண்டு வெடிப்பு வழக்குகளில் கைதாகி சிறையிலிருக்கும் தன் கூட்டாளிகளான மூன்று இஸ்லாமியர்களையும் அவர்களுக்கு ஆயுத வினியோகம் செய்த ஒரு இந்துவையும் விடுவிக்க வேண்டுமென்றும் கோரிக்கை வைக்கிறார். காவல் துறை ஆணையர் மோகன்லால் தலைமை செயலரிடம் அதிகாரம் பெற்று தீவிரவாதிகளை கமலிடம் ஒப்படைக்கிறார். இறுதியில் கமல் அந்த தீவிரவாதிகளை மொத்தமாக குண்டு வைத்து கொல்கிறார். காவல் துறையே ஆச்சரியப்பட்டுப்போகிறது. தீவிரவாதிகளில் விடுபட்ட ஒருவரை கமலின் கோரிக்கைப்படி காவல் துறையே கொன்று விடுகிறது. பிறகு கமல் தன்னை ‘காமென் மேன்’ என்றும் தீவிரவாதிகளுக்கு சட்டத்தால் இன்னும்  தீர்ப்பு  வழங்கபடவில்லை, ஆதலால் தானே தீவிரவாதத்தை மேற்கொண்டு அவர்களை அழித்தேன் என்றும் சட்டதுறையின், காவல்துறையின் அலட்சிய போக்கை பற்றியும், தீவிரவாதத்தின் பயங்கரங்களை பற்றியும், தீவிரவாத அமைப்புகளை பற்றியும் இறுதியில் பொங்கி எழுகிறார், க‌டைசியில் அழுகிறார். (கையில் துப்பாக்கி வைத்திருக்கிறார். ஏனென்று தான் தெரியவில்லை. ஆனால் அதை வைத்து தாடியை மட்டும் சொரிந்து கொள்கிறார் ) இது தான் கதை.

“இப்படிதான் சார் இவனுங்களை கொல்லனும். எத்தனை அப்பாவி மக்களை கொன்னுருப்பானுங்க” என்று இந்த போலி ஜனநாயகத்தில் வாழும் ‘ஜனநாயகவாதிகள்’ பொருமி, உணர்ச்சி வயப்பட்டு குரல் எழுப்புகிறார்கள்.unnai-pol-oruvan2 சரி நீ போய் அதை செய்ய வேண்டியது தானே என்றால் அமைதியாகிவிடுவார்கள். ஆனால் இந்த அமைதிக்கு பொருள் இல்லாமல் இல்லை. தன்னால் செய்ய முடியததை, கமல் செய்யும்பொழுது, பார்ப்பன பயங்கரவாத ஆர்.எஸ்.எஸ் கும்பல் செய்யும்பொழுது இவர்கள் அதை அமைதியாக ஆதரிப்பார்கள்.

‘A Wednesday’ எனும் இந்தி படத்தின் மறு உருவாக்கமே (Remake) இப்படம்.
ஏற்கனவே வெளிவந்த ‘A Wednesday’ எனும் இந்திப் படத்தில் கொல்லப்படும் பயங்கரவாதிகளில் நாலு பேரும் இஸ்லாமியர்களாகவே காட்டப்படுகிறார்கள், அவர்களில் இந்துக்களே இல்லை என்று எழுந்த விமர்சனம் இந்தப்படத்திலும் எழுந்துவிடாமல் தடுக்கும் முன்னெச்சரிக்கை நடவடிக்கையாகத் தான்  நான்கு பயங்கரவாதிகளில், மூன்று இஸ்லாமியர்கள் ஒரு இந்து என்னும் விகிதாச்சாரத்தில் பயங்கரவாதிகளை பிரித்து கதையின் பாத்திரங்களையே சாதுர்யமாக (ஏ)மாற்றியிருக்கிறார் கமல்.

அந்த ஒரு இந்துவையும் மூன்று இஸ்லாமியர்களைச் சித்தரிப்பதைப் போல‌ படு பயங்கர பின்னணி கொண்ட பயங்கரவாதியாக‌ சித்தரிக்கவில்லை! ஒரு ஆயுத வியாபாரியாக! காமெடியனைப் போல, வெறும் வயிற்று பிழைப்புக்காக இந்த‌ செயலில் ஈடுபட்டதாக காட்டி டம்மி பீசாக்கி விட்டார். ஆனால் இஸ்லாமியர்களோ மத வெறியிலேயே ஊறி அதன் காரணமாகவே பயங்கரவாத செயல்களில் ஈடுபடுவதாக ‘கதை’ கூறுவதன் மூலம் இசுலாமியர்களை இழிவு செய்திருக்கிறார்.

‘A Wednesday’ எனும் இந்தி படத்தில் கோத்ரா ரயில் எரிப்பு சம்பவத்தை காரணமாக காட்டி இஸ்லாமிய தீவிரவாதிகளை அழிக்கிறார் நஸ்ருதீன்க்ஷா. அதே போன்ற‌ சம்பவங்களை தமிழ் கதையில் புகுத்த முயற்சித்து, கோவை குண்டு வெடிப்பு சம்பவத்தை காரணம் காட்டி இஸ்லாமிய தீவிரவாதிகளை அழிக்கிறார் கமல். ஆனால் பாவம்! இந்திமொழி இலக்கண சூத்திரம் தமிழுக்கு பொருந்தாதால் திணறிப்போயிருக்கிறார். அதனால் தான் பெஸ்ட் பேக்கரி சம்பவத்தையும், கோவை குண்டு வெடிப்பு சம்பத்தையும் போட்டு குழப்பியிருக்கிறார். இதை பலரும் அம்பலப்படுத்தி எழுதியிருக்கிறார்கள். படம் பார்க்க வர்றவனெல்லாம் முட்டாள் என்கிற‌ நினைப்பு இந்த அறிவாளிக்கு.

காலையில் அலுவலகம் செல்லும் போது சாலையில் மறியல், ஆர்ப்பாட்டம் என்று ஏதாவது போராட்டம் நடப்பதை கண்டுவிட்டால்  ‘இவனுங்களுக்கெல்லாம் வேற வேலையே இல்ல சார்,  எப்ப பாத்தாலும் மறியல் அது இதுன்னு ரோட்ல உட்கார்ந்திடுறானுங்க. இவனுங்களால தான் நம்ம‌ நாடே முன்னேற மாட்டேங்குது’ என தொழிலாளிகளின் வாழ்க்கை பிரச்சனை என்ன என்பதை பற்றி துளியும் சிந்திக்காமல் தன் நாட்டின் (சரியாக சொன்னால் தனது சொந்த‌!!) முன்னேற்றத்தை பற்றி கனவு காணும் வர்க்கம். இந்தியாவின் துரோக வரலாறு தெரியாமல் காஷ்மீர் இந்தியாவிற்குத் தான் சொந்தம் என்று காஷ்மீரை உரிமை கொண்டாடும் வர்க்கம். ஈழ பிரச்சனையில், ‘தமிழர்கள் இங்கிருந்து போய் அங்க உட்கார்ந்துட்டு நாடு, உரிமை அது இதுன்னு கேட்கலாமா’ என்று தனது முட்டாள் தனத்தை வெளிப்படுத்திக் கொள்ளும் வர்க்கம். தேசபக்தி என்கிற‌ போலியான தேசிய உணர்ச்சிக்கு ஆட்பட்டு ஜெய்ஹிந்த் என்னும் முழக்கத்தை மதிக்கும் வர்க்கம்.

மக்கள் தங்கள் உரிமைகளுக்காக ஆயுதப் போராட்டங்களில் ஈடுபட்டால்,  ‘மக்கள் சட்டத்தை மீறலாமா சார். அவர்களின் பிரச்சனைகளுக்கு தீர்வு காண சட்டப்படி தான் அணுக வேண்டும், இப்படி எல்லோரும் ஆயுதம் எடுத்தால்  நாடு என்னாத்துக்கு ஆகிறது’ என்று அனைத்திற்கும் சட்டவாதம்  (As per the Law) ‌ பேசும் வர்க்கம். மக்கள் ஏதோ டைம் பாஸுக்கு ஆயுதம் தூக்கிப் போராடுவது போலவும், அவர்களுக்கு அறிவில்லாததைப் போலவும் மக்களுக்கு அறிவுரை சொல்வதும், இவ்வாறு அரைவேக்காட்டுத்தனமான அரசியல் அறிவை கொண்டதும் தான் நடுத்தரவர்க்கம். இப்படத்தில் கமல் நடுத்தர வர்க்கத்தின் வழியே இந்துத்வா கருத்தை நமக்கு கலந்து தருகிறார்.

தமிழக மக்களில் ஒருவனாக‌ (காமென் மேன்) தன்னை பொத்தாம் பொதுவாக அடையாளபடுத்திக்கொள்வதற்காகவே படத்திற்கு ‘உன்னைப் போல்ஒருவன்’ என்கிற‌ பெயரை வைத்திருக்கிறார். பெயரை பொதுவாக வைத்திருந்தாலும் கதாப்பாத்திரம் சொல்லும் கருத்தும், செயலும் எந்த வர்க்கத்தினுடையது என்பது பொதுவில் தெரிந்ததே. கமல் பேசும் வசனங்களும், உடல் மொழியும் நடுத்தர வர்க்கத்தையே அடையாளப்படுத்துகிறது. (அதாவது ‘இந்து’ நடுத்தர வர்க்கம்) நடுத்தர வர்க்க மனிதன் இந்துத்துவ பிண்ணனியை கொண்டிருந்தால் எப்படியிருப்பான் என்பதே இப்பாத்திரம்.

ஆனால் கதையின்படி கமலின் பாத்திரம் இந்துவா முஸ்லீமா என்று பார்வையாளர்களிடம் சொல்ல விருப்பமில்லையாம். ஏனெனில் அவர் சொல்லும் கருத்துக்கு நாம் மதச்சாயம் பூசிவிடக்கூடாதாம், எனவே சொல்லவில்லையாம். ஒரு இந்துவோ, கிறித்தவனோ கதாபாத்திரமாக இருந்தால் நாம் சுதாரித்துவிடுவோம். அதையே ஒரு இஸ்லாமியன் உருவில் இஸ்லாமியன் என்று தெரியாத வகையில் சொன்னால்? அதை தான் இ‌ப்படத்தில் செய்திருக்கிறார்கள். இந்து இல்லை என்பதும் புரிய வேண்டும். இஸ்லாமியன் என்றும் சொல்லக் கூடாது, அதே சமயம் அவர் இஸ்லாமியர் தான் என்று மக்கள் புரிந்து கொள்ளவும் வேண்டும். பயங்க‌ரவாதிகளான‌ இஸ்லாமியர்களையே கொல்லும் ‘நேர்மையான இஸ்லாமியர்’ என்பதை சூக்குமமாக‌ காண்பிக்கிறார்களாம். ஒரு இஸ்லாமியனின் உருவில் தன்னை மறைத்துக் கொண்டு பார்ப்பனிய‌ கருத்தை திணிப்பதற்காகவே இந்த கயமைத்தனம் கையாளப்பட்டிருக்கிற‌து.  கதாபாத்திரம் யாரென்று சொல்ல விருப்பமில்லை என்றால் விட்டுத்தொலைக்க வேண்டியது தானே எதற்கு இஸ்லாமியர் என்று அடையாளப்படுத்த இத்தனை அயோக்கியத்தனமான‌ முயற்சிகள் ?

இப்படம் கோவை குண்டுவெடிப்பில் ஈடுபட்ட இஸ்லாமியர்களை மையமாக கொண்டு  எடுக்கப்பட்டுள்ளது. ஆனால் கோவையில், 1992ல் நூற்றுக்கணக்கான இஸ்லாமியர்கள் ஆர்.எஸ்.எஸ் பயங்கரவாதிகளால் படுகொலை செய்யப்பட்டனர் என்பதை ஒரு இடத்திலும் சுட்டிக்காட்டவில்லை.

Kamala Hassan in Unnai Pol Oruvan

‘தீவிரவாததிற்கு எதிரான தீவிரவாதம்’ என்று தீவிரவாதத்தை ஒழிக்க தீவிரவாதமே நியாயம் என்று கற்பிக்கிறார் கமல். எனவே இஸ்லாமிய பயங்கரவாதிகளை கொல்கிறார். ஆனால், இஸ்லாமிய பயங்கரவாதம் ஏன் உருவானது, அதன் வேர் எது  என்பதை இப்படம் நேர்மையாக‌ சொல்லவில்லை. இவர் நியாயம் கற்பிப்பதைப்போல் “இந்து மதவெறி பயங்கரவாதத்திற்கெதிரானதே இஸ்லாமிய பயங்க‌ரவாதம்” என்று இஸ்லாமியர்களும் நியாயம் கற்பிக்கலாமே! அதை ஏற்பாரா கமல். அல்லது அவரின் இந்த பாசிச படைப்பை உச்சி முகரும் நடுத்தர வர்க்கம் ஏற்குமா ? இஸ்லாமிய தீவிரவாதத்தை பெற்றெடுத்ததே , உருவாக்கி விட்டதே இந்துமதவெறியர்கள் தான். ஆனால் இந்த சாகேத ராமன் அதை தனது வசதிக்கேற்ப  மறைத்து விட்டார்

தீவிரவாதத்திலிருந்து மக்களை காக்க  தனது கரங்களில் வரம்பற்ற‌  அதிகாரத்தை ஒப்படைக்க கோரும் அதிகாரவர்க்கத்தின் குரலாகவே இப்படம் ஒலிக்கிறது. இந்த அதிகாரவர்க்கம் தான் முஸ்லீம் என்ற காரணத்திற்காகவே அந்த மக்களை,குறிப்பாக இளைஞர்களை நாடெங்கிலும் (குறிப்பாக காஷ்மீரில்) அநியாயமாக போலி என்கவுன்டரில் சுட்டுக் கொல்கிறது. இந்த தடையில்லா அதிகாரம் தான் மணிப்பூரில் AFSPA வாக மக்களை கடுமையாக ஒடுக்கிவருகிறது.  இவற்றை அறியாதவரா  இந்த அறிவுஜீவி? தீவிரவாதிகளாக கைது செய்யப்படுபவர்கள் எந்த விசாரணையுமின்றி எந்த ஜனநாயக உரிமையுமின்றி கொலை செய்யப்படுவதை நியாயப்படுத்துவதன் மூலம் இந்த காந்தி ரசிகன் போலி என்கவுன்டரையும் நியாயப்படுத்துகிறார்!

மீனம்பாக்கம் குண்டுவெடிப்பு சம்பவத்தை நாம் மறந்து போனோமாம் நமக்கு நினைவூட்டுகிறார். அதெல்லாம் ரொம்ப பழசுங்க கமல். இரண்டு ஆண்டுகளுக்குள் நடந்த‌ ஐதராபாத் மெக்கா மசூதி குண்டுவெடிப்பு, லும்பினி பூங்கா குண்டுவெடிப்பு, கோகுல் சாட் உணவு விடுதி குண்டுவெடிப்பு, ராஜஸ்தான் அஜ்மீர் தர்கா குண்டுவெடிப்பு, லுதியானா நகரின் திரைப்பட அரங்கில் நடந்த‌ குண்டுவெடிப்பு, மாலேவ்கான் குண்டு வெடிப்பு, சம்ஜவுதா எக்ஸ்பிரஸ் ரயில் குண்டுவெடிப்புகளை எல்லாம் நீங்கள் மற‌ந்து போனது ஏன் என்று நாங்கள் தான் உங்களிடம் கேள்வி கேட்க வேண்டும்.   அவையெல்லாம் பார்ப்பன‌ இந்துமதவெறி பயங்கரவாதிகளால் நடத்தபட்ட குண்டுவெடிப்புகள் என்பதால் மற‌ந்து போனீர்களோ ?

படத்தில் ஒரு வசனம் “Thanks to late karkare” என்று வரும், இந்த டயலாக் பாஸிச மோடி கார்க்கரேயின் குடும்பத்திற்க்கு ஒரு கோடி ரூபாய் லஞ்சம் கொடுத்து கார்க்கரேயின் நேர்மையை விலைக்கு வாங்க‌ முயன்றதற்கு  சமமானது !   (மோடி  கொடுத்ததை கார்கரேயின் மனைவி ஏற்றுக்கொள்ளவில்லை.) அவருக்கு இவர் நன்றி தெரிவிக்கிறாராம். கார்க்கரேவுக்கு நன்றி சொல்ல இவருக்கு எந்த அருகதையும் இல்லை.  ‘கார்கரே’ மாலேவ்கான் குண்டுவெடிப்பில் பாஸிச ஆர்.எஸ்.எஸ் பயங்கரவாதிகளின் மிரட்டல்களுக்கு சற்றும் அஞ்சாமல் சமரசமின்றி அவர்களை அம்பலமாக்கினார். இந்த தேசபக்த யோக்கியர் அதையெல்லாம் வசதியாக மறந்துவிட்டு அவருக்கு நன்றி தெரிவிப்பதன் மூலம் செய்ய விரும்புவது என்ன தெரியுமா ? தீவிரவாத எதிர்ப்பு என்கிற பெயரில், முசுலீம் எதிர்ப்புக்கு அவரையும் தங்களுடன் சேர்த்துகொள்ளும் அயோக்கியதனம் தான்  இதன் பின் இருக்கிறது.

இப்படத்தில் எல்லா குண்டுவெடிப்புச் சம்பவங்களுக்கும், பயங்கரவாத செயல்களுக்கும் இஸ்லாமிய தீவிரவாதமே காரணமாக காட்டப்பட்டுள்ளது. மேற்கூறிய குண்டு வெடிப்பு சம்பவங்கள் இஸ்லாமியர்க‌ள்அதிகமாக உள்ள இடங்களில் தான் நிகழ்ந்தது. இஸ்லாமியர் அதிகமாக கொல்லப்படுவர் என்று தெரிந்தும் இஸ்லாமியர்தான் இக்குண்டு வெடிப்பு சம்பவத்தில் ஈடுபட்டார்களா ? இச்சம்பவங்களில் அப்பாவி குழந்தைகள், முஸ்லீம் பெண்கள், பொது மக்களை கொன்றவர்களின் மீது கமலின் கோபம் பாயவில்லையே ஏன் ?

மற்ற மாநிலங்களில் குண்டு வெடித்தால் நாம் அமைதியாய் இருக்கிறோம் என்று ஆவேசமாய் நம்மை திட்டும் கமல், இந்நாட்டிலுள்ள மத்திய மராட்டிய மாநிலம் பார்பானி மாவட்டத்தில் ரெஹெமத் நகரில் உள்ள மெகமதியா மஸ்ஜித்தில் 21-11-2003 அன்று வெள்ளிக்கிழமை குண்டு வெடித்தது, அதே மாவட்டத்தின் புர்ணா நகரிலுள்ள‌ சித்தார்த் நகரின் ராஜ்-உல்-உலூரம் மதார்சாவில் 27-08-2004 அன்று வெள்ளிக்கிழமை ஒரு குண்டுவெடிப்பு சம்பவம் நடந்தது. அதே மாநிலத்தின் ஜால்னா நகரின் சதர் கடைவீதியில் உள்ள காதிரியா மஸ்ஜித்தில் 27-08-2004 அன்று வெள்ளிக்கிழமை ஒரு குண்டு வெடிப்பு நடந்தது. கவணியுங்கள், இந்த குண்டு வெடிப்புகள் அனைத்தும் ம‌சூதிகளில் தொழுகை நாளான‌ ‘வெள்ளிக்கிழமை’ அன்று தான் நடந்தேறியுள்ளது. இந்த குண்டு வெடிப்புகளைச் செய்த பயங்கரவாதிகள் யார் ? இதற்கான பதிலை சொல்லும் வாய்ப்பை, இந்த படத்திற்கு பயங்கரவாதத்திற்கு எதிரான படம் என்று பட்டம் கொடுப்பவர்களிடமே விட்டுவிடுவோம்.

உலக நாடுகளிலுள்ள இஸ்லாமிய தீவிரவாத அமைப்புகளையெல்லாம் பட்டியலிட்டு கொதிக்கிறார் கமல். பாலஸ்தீனத்தின் ஹமாஸ், லெபனானின் ஹிஸ்புல்லா, ஈராக்கின் போராளிகளையும் கூட பயங்கரவாதிகள் பட்டியலில் சேர்க்கும் கமலுக்கு உள்ளூர் குரங்கு கம்பெனியான‌ இந்து முன்னணியும், விசுவ இந்து பரிசத்தும் கண்ணில் படாமல் போனது ஏன் ? விட்டால் கம‌லஹாசன் தனது பயங்கரவாதிகளின் பட்டியலில் முந்தாஸ‌ர் அல் ஜெய்தியையும் கூட சேர்த்துவிடுவார்.

இவருடைய கருத்தின்படி தீவிரவாதிகளை வெடி வைத்து கொல்வது ஒன்றும் தவறில்லை (இவர் கருத்து தான் அத்வானியின் கருத்தும்!!) அவர்களை கரப்பான் பூச்சிகள் என்று தான் கூறுகிறார். அதற்கு என்ன பொருள் ? பூச்சியை நசுக்கி எறிவது எவ்வளவு முக்கியத்துவமற்றதோ அந்தளவிற்கு இவர்களை கொல்வதும் முக்கியத்துவமற்றது என்கிறார். அதன்படி அப்சல் குருவை உடனடியாக கொல்ல வேண்டும், விடுதலையான‌ கீலானியை உடனடியாக கைது செய்ய வேண்டும். இவர்களைப் பற்றிய உண்மைகளை பேசும் தெகல்கா முதல் அருந்ததிராய் வரை அத்தனை ஜனநாயகவாதிகளையும் கைது செய்து சிறையிலடைக்க வேண்டும். இந்த அறிவாளிக்கு நரமாமிச வெறியன் மோடியை பற்றி தெரியாது, பாசிஸ்ட் தெகாடியா பற்றி தெரியாது,பயங்கரவாதி அத்வானியை பற்றி தெரியாது ஆனால், சில கரப்பான்பூச்சிகளை மட்டும் எப்படி நன்றாக தெரிகிறது. அதுவும் பச்சைக்கலர் கரப்பான்பூச்சிகள் மட்டும் எப்படி தென்படுகின்றன. காவி கலர்  பூச்சிகள் பற்றி இந்த உலக நாயகனுக்கு அறிவு இல்லையா ?

கமல் மட்டுமல்ல ஊடகங்களும், ஆளும் வர்க்கமும் நாட்டில் எந்த குண்டுவெடிப்பு நிகழ்ந்தாலும் உடனே இதற்கு இஸ்லாமியர்கள் அல்லது நக்சலைடுகள் தான் காரணம் என்று முத்திரை குத்திவிடுவார்கள். குண்டு வெடிப்பு சம்பவங்கள் பார்ப்பன-இந்து மதவெறி பயங்கரவாதிகளின் செயலாகவும் இருக்கலாம் என்னும் கோணத்தில் சந்தேகிப்பதே இல்லை.

‘குருதிப் புனல்’ படத்தில் நக்சல்பாரி போராளிகளை கேவலமாக சித்தரித்த இதே கமல் தான்  ‘அன்பே சிவம்’ படத்தில் திடீரென்று கம்யூனிசத்தை தூக்கி பிடித்தார். இது தான் அவரின் கம்யூனிச பார்வை. இப்படத்திற்கு போலி கம்யூனிஸ்டுகள் புகழாரங்கள் சூட்டி விருதுகளும் வழங்கினர் (கூடவே இல.கணேசனும் பாராட்டினார் என்பதும் கவனிக்கத்தக்க ஒற்றுமை). தன்னை நாத்திகன் என்றும், பெரியாரிஸ்டு என்றும் சொல்லிக்கொள்பவர்  ஆதிக்க சாதிவெறியர்களுக்காக  ‘தேவர் மகன்’ என்று தேவர் புகழ் பாடினார்.
unnaipol-oruvan-new-stills15
கமலஹாசன் தன்னை சமூகத்திற்கு மிகவும் பொறுப்புள்ளவன் என்று கருதிக்கொள்கிறார். திரைத்துறையிலேயே (திரைத்துறையில் என்று மட்டும்  சொல்ல முடியுமா என்று தெரியவில்லை, தமிழ‌கத்திலேயே என்று கூட சொல்லலாம்) தன்னை பெரிய அறிவாளி என்று அவர் உணர்வுபூர்வமாகவே நம்புகிறார். எனவே திரைப்படங்கள் மூலம் தான் சமுதாயத்திற்கு சொல்லும் செய்தி மிகவும் அவசியமானது என்றும் அதை அனைவ‌ரும் அப்படியே ஏற்றுக்கொள்ள வேண்டும் என்றும் கருதுகிறார்.

கமல் என்ன வேண்டுமானாலும் பேசலாம். நாத்திகம், பெரியார், கம்யூனிசம் என்றெல்லாம் ‘முற்போக்காக’ பேசலாம் அப்படி  பேசுவதாலேயே அவரை கம்யூனிஸ்ட் என்றும், பெரியாரியவாதி என்றும் நம்புவது முட்டாள்த்தனம். மேற்கூறியவையெல்லாம் அவரைப் பொருத்தவரை ஒரு பாக்ஷன், அதாவது தனது பார்ப்பன சமூகத்தில் உள்ள‌ மற்றவர்களைப் போல‌ தான் ஒன்றும் கட்டுப்பெட்டித்தனங்களில் மூழ்கிக் கிடக்கும் பிற்போக்குவாதியல்ல என்று வெளி உலகுக்கு அறிவிப்பதற்கும், தான் அனைத்தும் அறிந்த அறிவாளி என்று தன்னைச் சுற்றி வெளிச்சம் போட்டுக் காட்டிக்கொள்வதற்கும் தான் இந்த முற்போக்கு லேபிள்கள். இதைத் தவிர‌ அதற்கு வேறு ஒரு மதிப்பும் இல்லை. இதில் பலர் மயங்குவதற்கு காரணம், கமலை யாரும் விமர்சனம் செய்யாமல் இருப்பது தான், மேலும் மேலும் சுகமாக‌ சொறிந்து விடுவதால் அவருக்கும் திமிர் அதிகமாகிவிடுகிறது. இளைஞர்களின் நம்பிக்கையும் மேலும் உறுதிப்பட்டு விடுகிற‌து. உதாரணமாக இங்குள்ள போலி கம்யூனிஸ்டுகள் கமலஹாசனை 24 காரட் கம்யூனிஸ்ட் என்பதைப் போல ஆஹா ஓஹோ என்று புகழ்ந்தார்கள். தி.க வீரமணி கம்பெனியோ அவர் பெரிய பகுத்தறிவாளர் என்று பட்டமளித்தது.  தசாவாதாரம் படத்தை நாத்திக படம் என்று புகழ்ந்தது. இவர்கள் இப்படி சொறிய சொறிய கமலுக்கு மண்டைக் கணமும், திமிரும் கூடிக்கொண்டு போகுமே  தவிர தன்னை யாரும் விமர்சிப்பதை ஏற்றுக்கொள்ளமாட்டார். அதை ஏரெடுத்தும் பார்க்க மாட்டார்.

குருதிப்புனல் படத்தில் போராளிகள், குழந்தைகளைக் கூட கற்பழிக்கும் கயவர்கள் என்பதைப் போல ஒரு அயோக்கியத்தனத்தை செய்திருப்பார். அந்த தீவிரவாதிகளின் கொள்கை என்ன, ஏன் போராடுகிறார்கள் என்பதை அவர்களையே பேச விட்டிருந்தால் கமலின் அருவருப்பான போலீசு முகம் விகாரமாக வெளிப்பட்டிருக்கும். ஆனால் அவர்கள் வாயில் துணியை அடைத்துவிட்டார் இந்த யோக்கியர். அவர்களை ஒரு வார்த்தை கூட பேச விடாமல் இந்த அறிவாளியே அவர்களைப் பற்றி அவதூறுகளாக பேசி அவர்களுக்கு ச‌மூக விரோதிகள் என்று பட்டமும் கட்டி போராளிகளை கேவலப்படுத்துவார். ஆனால் படத்தில் நடித்துவிட்டு் வெளியில் வந்து பேட்டிக்கொடுக்கும் போது, தான் நடிகனாகாகியிருக்காவிட்டால் நக்சலைட் ஆகியிருப்பேன் என்று கூறுகிறார். என்ன ஒரு அயோக்கியத்தனம் இது! இந்த படத்திலோ இசுலாமியர்களை பேச விட்டுள்ளார். ஆனால் அவர்களே தம்மைப் இழிவுபடுத்திக்கொள்ளும்படி வசனம் எழுதி கொடுத்துள்ளார்.

ஒருவன் எப்படி சிந்திக்கிறானோ அது அப்படியே அவனுடைய நடைமுறையி்ல் வெளிப்பட்டே தீரும். ஒரு கலைஞன் என்பவன் தனக்குள் பிற்போக்குத்தனங்களை வைத்துக்கொண்டு வெளியில் எவ்வளவு முற்போக்கு வேடம் போட்டாலும், கலையில் அவனுடைய ஆளுமையின் போலித்தனம் தோல் உரிந்து தொங்கிவிடும். இது தவிர்க்க முடியாதது. இது கலைக்கும் கலைஞனுக்கும் இடையிலான அறுக்கவியலாத‌ தொடர்பு.

கமல் தனது பார்ப்பனப் பிண்ணனியை மிகவும் பெருமையாகவே கருதுகிறார். அதன் காரணமாகவே, தான் அறிவாளியாக இருப்பதாகவும் கருதுகிறார். இது போல பார்ப்பனியத்திற்கு ஆதரவான கருத்து கொண்டிருக்கும் அனைவரும் பாசிச‌ பா.ஜ.க வில் தான் இருக்க வேண்டும் என்பது அவசியமில்லை. பாசிசம் அவர்களுடைய மூளையில் உட்கார்ந்திருக்கிற‌து என்பதை புரிந்து கொள்வது தான் அவசியம். இந்த படத்தின் மூலம் கமல் மேலும் ‘முற்போக்கானவராக’ உயர்ந்துள்ளார். ராமானுஜதாசன் என்கிற நிலையிலிருந்து ராமகோபாலதாசன் என்கிற நிலைக்கு உயர்ந்து தன்னை இன்னும் துலக்கமாக வெளிப்படுத்திக் கொண்டிருக்கிறார்.‌

தொடர்புடைய இடுகைகள்

tehalka

உன்னைப்போல் ஒருவன்: பாசிசத்தின் இலக்கியம்!!

உன்னைப் போல் ஒருவன் – இந்துப் பாசிசத்தின் இன்னொரு பிரதி : ஆழியூரான்

‘உன்னைப் போல் ஒருவன்’ ‍ கமலின் இன்னுமொரு இந்துத்துவச் சினிமா

உன்னைப்போல் ஒருவன் – விடுபட்டவை ‍:உறையூர்காரன்

நாங்கள், அவர்கள்……….நீங்கள்?

வெடித்த குண்டுகள் ! புதையுண்ட உண்மைகள் !!